’’ کوہلی پر تنقید! مجھے قتل کی دھمکیاں دی گئیں‘‘

سابق کیوی کرکٹر و کمنٹیٹر سائمن ڈول نے انکشاف کیا ہے کہ بھارتی بیٹر ویرات کوہلی کو تنقید کا نشانہ بنانے پر انہیں قتل کرنے کی دھمکیاں دی گئیں۔

کرک بز کو دیئے گئے انٹرویو میں سابق کیوی کرکٹر سائمن ڈول نے بتایا کہ انڈین پریمئیر لیگ (آئی پی ایل) 2024 کے ایڈیشن کے آغاز میں ویرات کوہلی کو اسٹرائیک ریٹ پر تنقید کا نشانہ بنایا تھا تاہم بعدازاں بھارتی بیٹر نے جارحانہ کھیل کا مظاہرہ کیا اور ٹورنامنٹ کے اختتام پر انکا اسٹرائیک ریٹ 154.70 رہا۔

انہوں نے کہا کہ ویرات کوہلی کے بارے میں ہزار اچھی باتیں کروں لیکن جب ایک منفی بات کرتا ہوں تو مجھے لوگ جان سے مارنے کی دھمکی دیتے ہیں، جو ایک منفی پہلو ہے! یہ شرم کی بات ہے۔