ایشین گیمز: پاکستان ویمنز نے بنگلادیش کو ہرا کر برانز میڈل جیت لیا
ایشین گیمز کے کرکٹ مقابلوں میں تیسری پوزیشن کے لیے پاکستان ویمنز نے بنگلادیش ویمنز کو شکست دیکر برانز میڈل جیت لیا۔
پاکستان ویمنز ٹیم نے بنگلا دیش ویمنز ٹیم کو 31 رنز سے شکست دے کر برانز میڈل اپنے نام کیا۔
پاکستان ویمنز نے پہلے بیٹنگ کرتے ہوئے 8 وکٹوں کے نقصان پر 145 رنز بنائے، کپتان فاطمہ ثناء 45 رنز کے ساتھ نمایاں بیٹر رہیں۔
جواب میں بنگلا دیش ویمنز ٹیم 7 وکٹوں کے نقصان پر 114 رنز بنا سکی، پاکستان کی جانب سے اُم ہانی نے تین وکٹیں لیں۔
خیال رہے کہ ایشین گیمز ویمنز کرکٹ مقابلوں کا فائنل بھارت اور سری لنکا کے درمیان کھیلا جائے گا۔