ایران کے نائب وزیر خارجہ کاظم غریب آبادی نے متحدہ عرب امارات کو نصیحت کی ہے کہ اچھی ہمسائگی کے اصولوں کی پابندی کرے
اسلامی جمہوریہ ایران کے نائب وزیر خارجہ کاظم غریب آبادی نے تین ایرانی جزیروں کے بارے میں دعووں کی تکرار پر کہا ہے کہ ابوموسی، تنب بزرگ اور تنب کوچک، تینوں جزیرے ایران کا اٹوٹ حصہ ہیں۔
انھوں نے ایکس پر اپنی پوسٹ میں لکھا ہے کہ ایرانی جزیروں کے بارے میں بے بنیاد دعووں کی، حتی جنرل اسمبلی کے پلیٹ فارم سے تکرار سے، حقیقت تبدیل نہیں ہوسکتی ۔ ابوموسی، تنب بزرگ اور تنب کوچک، تینوں جزیرے ایران کا جزو لاینفک ہیں۔
نائب وزیر خارجہ کاظم غریب آبادی نے اپنی پوسٹ میں لکھا ہے کہ متحدہ عرب امارات کے حکام کو بے بنیاد دعووں کی تکرار کے بجائے، علاقے کے تاریخی اور قانونی حقائق کا احترام نیز اچھی ہمسائگی کے اصولوں کی پابندی کرنی چاہئے۔