اقوام متحدہ میں ایران کے نمائندہ دفترکے عہدیدار نے تین ایرانی جزیروں کے بارے میں متحدہ عرب امارات کے دعوے کو مسترد کردیا ہے
اقوام متحدہ میں اسلامی جمہوریہ ایران کے نمائندہ دفتر کے عہدیدارناصر اسدی نے تین ایرانی جزیروں کے بارے میں متحدہ عرب امارات کے دعوے کے جواب میں کہا ہے کہ ان جزیروں کی مالکیت قابل مذاکرات نہیں ہے۔
انھوں نے کہا کہ ابوموسی،تنب بزرگ اور تنب کوچک، یہ تینوں جزیرے ہمیشہ ایران کے رہے ہیں اوران کی مالکیت کے بارے میں مذاکرات نہیں ہوسکتے۔
اقوام متحدہ میں ایران کے نمائندہ دفتر کے سیکریٹری ناصر اسدی نے کہا کہ ان جزیروں کے بارے میں ہم ہر دعوے کو سختی سے مسترد کرتے ہیں۔
انھوں نے اسی کے ساتھ کہا ہے کہ ایران اور جزیرہ نمائے عربستان کے درمیان واقع وسیع آبی علاقے کا واحد صحیح جغرافیائی نام خلیج فارس ہے۔
انھوں نے کہا ہے کہ تاریخ کے آغاز سے ہمیشہ یہی نام استعمال ہوا ہے اوراقوم متحدہ نے بھی یہی نام تسلیم کیا ہے۔