امریکا کی بنیادی پالیسیاں حکومتوں کی تبدیلی سے تبدیل نہیں ہوتیں
ایران کی عوامی پارٹی کے سربراہ نے کہا ہے کہ حکومتوں کی تبدیلی سے امریکا کی بنیادی پالیسیوں میں کوئی تبدیلی نہیں آتی
ایران کی عوامی پارٹی کے سیکریٹری جنرل امراللہ شیخیانی نے ارنا سے گفتگو میں کہا ہے کہ ملک کی نوجوان نسل کو ملک کی خودمختاری اور پیشرفت کے تحفظ کے لئے ہمیشہ میدان میں موجود رہنے اور ہوشیاری سے کام لینے کی ضرورت ہے۔
انھوں نے رہبر انقلاب اسلامی کے اس پیغام کا حوالہ دیتے ہوئے، جس میں آپ نے 19 اگست 1953 کو ملت ایران کے خلاف امریکی ظلم کے آغاز کا دن قرار دیا ہے، کہا کہ ایران سے امریکا کی دشمنی صرف دینی اور مذہبی پہلو نہیں رکھتی، بلکہ اس کا اصل مقصد، ایران پر تسلط جمانا اور ملک کے فیصلوں میں مداخلت نیز حکومت کو اپنا مطیع بناکر اس ملک کی دولت وثروت پر قبضہ کرنا ہے۔
انھوں نے اس سوال کے جواب میں کہ کیا امریکا میں حکومت بدلنے سے اس ملک کی بنیادی پالیسیاں بدل سکتی ہیں؟، کہا کہ ایران کے سلسلے میں امریکی پالیسی ہمیشہ اپنی جگہ رہی ہے۔ جو پارٹی بھی اقتدار میں آئے، ایران کے بارے میں اس کی بنیادی پالیسیاں تبدیل نہیں ہوتیں، وہی رہتی ہیں ۔