خبر رساں ذرائع نے ریاض میں زوردار دھماکوں کی آوازیں سنے جانے کی اطلاع دی ہے، جس کی تصدیق بعد ازاں سعودی سول ڈیفنس نے بھی کر دی ہے۔
رپورٹس کے مطابق، آج بروز منگل سعودی عرب کے دارالحکومت ریاض میں زوردار دھماکوں کی آوازیں سنی گئیں۔
اسی دوران، سعودی سول ڈیفنس نے اعلان کیا ہے کہ شہر اور صوبہ الخرج میں ‘ارلی وارننگ سسٹم’ کو فعال کر دیا گیا ہے، تاکہ رہائشیوں کو ممکنہ خطرے سے خبردار کیا جا سکے۔
ابتدائی اطلاعات کے مطابق، اس انتباہ کے بعد ریاض میں فضائی دفاعی نظام فعال ہو گئے اور کئی دھماکوں کی آوازیں سنی گئیں۔ سعودی عرب کی سول ڈیفنس نے ایک مختصر بیان میں اعلان کیا کہ "ریاض میں موجود خطرے کو بے اثر کر دیا گیا ہے،” تاہم انہوں نے اس خطرے کی نوعیت یا اس کے ماخذ کے بارے میں کوئی تفصیلات فراہم نہیں کیں۔
یمنی فوج کی جانب سے ریاض پر میزائل حملے کا اعتراف
سعودی قیادت والے جارح اتحاد کے ایک ترجمان نے تسلیم کیا کہ یمن کی جانب سے ریاض کی طرف ایک بیلسٹک میزائل داغا گیا تھا۔
یمنی مسلح افواج کے ترجمان نے اس بات پر زور دیا کہ ان (جوابی) حملوں میں ریاض کے شاہ خالد انٹرنیشنل ایئرپورٹ، ابھا ایئرپورٹ، ینبع میں آرامکو کی تنصیبات اور شیبہ آئل فیلڈ کو نشانہ بنانے کے لیے بیلسٹک میزائلوں، کروز میزائلوں اور ڈرونز کا استعمال کیا گیا۔