عراقچی: قومی مفادات کے تحفظ کے لیے تمام سفارتی صلاحیتوں کو بروئے کار لایا جائے گا
وزیر خارجہ عباس عراقچی نے کہا ہے کہ ملک کے قومی مفادات کی حفاظت کے لیے تمام سفارتی صلاحیتوں کو استعمال کیا جائے گا۔
وزیر خارجہ نے اتوار کے روز تہران میں مقیم سفیروں، سفارتی نمائندوں اور بین الاقوامی تنظیموں کے دفاتر کے سربراہان کے ساتھ ہونے والی نشست کی طرف اشارہ کرتے ہوئے کہا ہے کہ تہران قومی مفادات کی حفاظت کے لیے اپنی تمام سفارتی صلاحیتوں کو بروئے کار لائے گا۔
اسلامی جمہوریۂ ایران کے وزیر خارجہ سید عباس عراقچی نے پیر 5 اکتوبر 2026 کو سوشل میڈیا پلیٹ فارم انسٹاگرام پر لکھا: "گزشتہ روز (اتوار، 4 اکتوبر 2026) تہران میں مقیم سفیروں، سفارتی نمائندوں اور بین الاقوامی تنظیموں کے دفاتر کے سربراہان کی نشست میں، میں نے علاقائی اور بین الاقوامی صورتحال کے بارے میں اسلامی جمہوریہ ایران کے موقف کی وضاحت کی۔”
انھوں نے کہا: "موجودہ حساس حالات میں اپنے ملک کے موقف اور نقطۂ نظر کی وضاحت اور موجودہ حقائق کی درست منتقلی کے لیے دیگر ممالک کے نمائندوں کے ساتھ سفارتی مشاورت اور بات چیت کا جاری رہنا خصوصی اہمیت رکھتا ہے۔”
عراقچی نے کہا: "اسلامی جمہوریۂ ایران کی سفارت کاری، اصولوں اور قومی مفادات پر بھروسہ کرتے ہوئے پوری سنجیدگی کے ساتھ اپنا راستہ جاری رکھے ہوئے ہے۔ اس راستے میں ہم قومی مفادات کے تحفظ اور ایران عزیز کی پوزیشن اور سلامتی کو مضبوط بنانے کے لیے تمام سفارتی صلاحیتوں کو بروئے کار لائیں گے۔”