مذاکرات تعطل کا شکار

امریکی انتخابات میں ٹرمپ کی شکست کے بعد مذاکرات تعطل کا شکار ہوگئے، ایرانی وزیر خارجہ کا انکشاف

عراقچی کے مطابق امریکی انتخابات کے نتائج نے سفارتی عمل میں شامل فریقوں کو حیران کردیا ہے

ایرانی وزیر خارجہ عباس عراقچی نے کہا ہے کہ امریکا اور ایران کے درمیان امن معاہدے کے لیے کوشش کرنے والے ثالث امریکی وسط مدتی انتخابات کے نتائج کے بعد سے کسی سفارتی سفر پر نہیں گئے۔

ان کے مطابق امریکی انتخابات کے نتائج نے سفارتی عمل میں شامل فریقوں کو حیران کردیا ہے اور مذاکرات کی بحالی میں کچھ وقت لگ سکتا ہے۔

خبر رساں ادارے اے ایف پی کے مطابق عراقچی نے ایرانی سرکاری ٹی وی سے گفتگو کرتے ہوئے کہا کہ اب یہ دیکھنا ہوگا کہ ثالث امریکی انتخابات کے نتائج کو سمجھنے اور ان کے اثرات کا جائزہ لینے میں کتنا وقت لیتے ہیں، تاکہ اس کے بعد آئندہ کے لائحہ عمل کا تعین کیا جاسکے۔

ایرانی وزیر خارجہ نے کہا کہ گزشتہ چند روز سے ثالثوں کی جانب سے کوئی سفر نہیں کیا گیا اور اس کی وجہ امریکی انتخابات کے نتائج سے پیدا ہونے والی صورت حال ہے۔

In recent days, as a consequence of these election results, there has been no activity or movement from the mediators.

— IRNA News Agency ☫ (@IrnaEnglish) November 8, 2026

ان کا کہنا تھا کہ ثالثوں کی سفارتی سرگرمیاں دوبارہ شروع کرنے کے لیے ماحول سازگار ہونے میں کچھ وقت لگے گا، اس لیے تمام فریقوں کو صبر سے کام لینا چاہیے۔

امریکی وسط مدتی انتخابات میں صدر ڈونلڈ ٹرمپ کی جماعت کو بھاری نقصان اٹھانا پڑا ہے۔ عراقچی کے بیان کے مطابق ان نتائج نے امریکا اور ایران کے درمیان ممکنہ امن معاہدے کے لیے جاری سفارتی کوششوں کو بھی متاثر کیا ہے۔

تاہم ایرانی وزیر خارجہ نے یہ واضح نہیں کیا کہ ثالثوں کی سرگرمیاں کب دوبارہ شروع ہوں گی یا مذاکرات کی بحالی کے لیے کوئی نئی تاریخ طے کی گئی ہے۔