پرشین گلف اسٹریٹ اتھارٹی کا انتباہ

پرشین گلف اسٹریٹ اتھارٹی نے بحری جہازوں اور آئل ٹینکروں کے مالکین کو آبنائے ہرمز میں غیر معتبر راستے کا انتخاب کرنے کے نتائج کی بابت سخت خبردار کیا ہے

پرشین گلف اسٹریٹ اتھارٹی نے ایکس پر ایک پیغام جاری کرکے بتایا ہے کہ اس کو رپورٹیں ملی ہیں کہ آبنائے ہرمز میں بحری جہازوں اور آئل ٹینکروں کو غیر معتبر راستے کے انتخاب پر مجبور کیا جارہا ہے۔

پی جی ایس اے کے انتباہ میں کہا گیا ہے کہ اس سے بحری جہازوں اور آئل ٹینکروں کے مالکین، کپتانوں اور عملے کے افراد کو جانی اور مالی نقصانات کا سامنا کرنا پڑسکتا ہے اور اس آبی گزرگاہ کو عبور کرنے سے روکا جاسکتا ہے۔  

پرشین گلف اسٹریٹ اتھارٹی PGSA نے اپنے پیغام میں کہا ہے کہ بحری جہازوں اور آئل ٹینکروں کے مالکین کو اس طرح کے غیر قانونی اقدامات کی طرف سے ہوشیار رہنے کی ضرورت ہے۔

پی جی ایس اے کے انتباہ میں کہا گیا ہے کہ ضروری ہدایت نامے کی خلاف ورزی کی صورت میں، خلاف ورزی کرنے والے بحری جہازوں اور آئل ٹینکروں کی مالک کمپنیوں کے نام تعاون نہ کرنے والوں کی فہرست، این سی ایل (NCL) میں شامل کردیا جائے گا اور ان کے جہازوں اور آئل ٹینکروں کو آبنائے ہرمز سے گزرنے کی اجازت نہيں دی جائے گی۔