پیجر کی نمائش پر اقوام متحدہ کا ردعمل

اقوام متحدہ کے ترجمان نے صیہونی حکومت کے وزیر اعظم سے جنرل اسمبلی کے احترام کا مطالبہ کیا ہے

جنرل اسمبلی کے سالانہ اجلاس سے خطاب میں صیہونی حکومت  کے وزیر اعظم کی جانب سے ایک پیجر کی نمائش پر اقوام متحدہ کے ترجمان نے تنقید کی ہے۔

اقوام متحدہ کے ترجمان اسٹیفن دوجارک نے اپنی پریس کانفرنس میں، جنرل اسمبلی میں تقریر کے دوران، صیہونی وزیر اعظم کی پیجر دکھانے کی حرکت پر کہا ہے کہ جنرل اسمبلی کی حیثیت اور شان کا خیال رکھا جائے۔

یاد رہے کہ صیہونی حکومت کے وزیر اعظم نے جنرل اسمبلی کے سالانہ اجلاس میں اپنی تقریر کے دوران ، ایک پیجر دکھا کر، 2024 میں اپنی حکومت کی دہشت گردانہ کارروائیوں کی طرف اشارہ کیا تھا۔

  اقوام متحدہ کے ترجمان اسٹیفن دوجارک نے نتن یاہو کی اس حرکت پرتنقید کرتے ہوئے کہا ہے کہ اس جگہ سے تقریر کرنے والے عالمی رہنما، اس جگہ کا احترام مد نظر رکھیں۔  

قابل ذکر ہے کہ مبصرین نے جنرل اسمبلی میں تقریر کے دوران پیجر دکھانے کی نتن یاہو کی حرکت کوتوہین آمیز اور اشتعال انگیزاقدام قرار دیا ہے۔

انھوں نے کہا کہ جس آلے کو  لبنان میں ہزاروں لوگوں کو قتل اور زخمی کرنے کے لئے استعمال کیا گیا، عالمی سفارتی پلیٹ فارم سے، کوئی اس کی نمائش کیسے کرسکتا ہے؟