سابق اسرائیلی جرنیلوں کا حکومت پر مغربی کنارے میں قابضین کے تشدد کی پشت پناہی کا الزام

اسرائیلی فوج کے سابق جرنیلوں نے حکومت پر مغربی کنارے میں قابضین کے تشدد کی پشت پناہی کا الزام لگا دیا۔

غیر ملکی میڈیا کے مطابق سابق اسرائیلی جرنیلوں کا کہنا ہے کہ صیہونی ریاست کے لیے اصل خطرہ قابضین کی کارروائیاں ہیں، ایران یا غزہ نہیں۔

سابق جرنیلوں کا کہنا ہے کہ یہ قانون شکنی اسرائیل کی جمہوریت کے وجود کے لیے خطرہ ہے۔

اس کے علاوہ اسرائیلی سابق جرنیلوں نے حکومت پر مغربی کنارے میں قابضین کے تشدد کی پشت پناہی کا الزام لگاتے ہوئے کہا کہ قابضین گھروں، مساجد اور دیہات کو آگ لگا رہے ہیں۔

دوسری جانب اقوام متحدہ کی جانب سے بتایا گیا ہے کہ قابضین کی کارروائیوں میں رواں سال اب تک 3200 سے زائد فلسطینی بےگھر ہو چکے ہیں۔