ایران نے امریکی ہیبت ختم کردی
سپاہ پاسداران کے کمانڈر انچیف کے مشیر اعلی نے کہا ہے کہ ایران نے امریکی بھرم خاک ملادیا
سپاہ پاسداران کے کمانڈر انچیف کے مشیر اعلی بریگیڈیئر نقدی نے کہا ہے کہ اس کے باجود کہ اسلامی جمہوریہ ایران کا فوجی بجٹ امریکا کے فوجی بجٹ کا تقریباً ایک فیصد ہے، اس نے اپنی داخلی توانائی پر بھروسہ کرکے امریکا کا ڈٹ کر مقابلہ کیا اور اس کا بھرم خاک میں ملادیا۔
بریگیڈیئر محمد رضا نقدی نے سنیچر کو ہفتہ حکومت کی مناسبت سے اور شہدائے اصفہان کی یاد میں منعقدہ ایک پروگرام سے خطاب میں کہا کہ ابتدائے انقلاب میں ایران، انتہائی معمولی اسلحہ بھی نہیں بنا سکتا تھا لیکن اس نے اپنی توانائیوں پر بھروسہ کیا اورآج سیٹ لائٹ اور جدید ترین فوجی وسائل تیار کرنے میں نمایاں پیشرفت حاصل کی ہے۔
انھوں نے کہا کہ ایران کی مسلح افوج کی ضرورت کے فوجی وسائل کا بڑا حصہ ملک کے اندر تیار ہورہا ہے اور انہیں جنگی اور فوجی وسائل سے کام لے کر ایران نے امریکا کا مقابلہ کیا اور اس کا بھرم ختم کردیا۔
