ایران روس تعاون
ایران اور روس پابندیوں کا دباؤ ختم کرنے کے لیے مل کر کام کریں گے
روسی وزارت خارجہ کی ترجمان ماریا زاخارووا نے ایک بیان میں ایران کے خلاف امریکی اقتصادی دباؤ کا ذکر کرتے ہوئے کہا کہ ان کا ملک بین الاقوامی تعلقات کو پابندیوں کے دباؤ سے بچانے کے لیے ایران اور دیگر دلچسپی رکھنے والے ممالک کے ساتھ مل کر کام کرے گا۔
ماریا زاخارووا نے ایک پریس کانفرنس کے دوران ایران کے خلاف امریکہ کی عائد کردہ ثانوی پابندیوں کے بارے میں کہا کہ "روس اقوام متحدہ کے چارٹر کے منافی کسی بھی یکطرفہ، غیر قانونی اور جبری اقدام کو سختی کے ساتھ مسترد کرتاہے۔
انہوں نے مزید کہا کہ "ہم اس غیر قانونی اقدام کے خلاف ایرانی ساتھیوں اور دیگر دلچسپی رکھنے والے ممالک کے ساتھ رابطے کر رہے ہیں اور ہم خیال ممالک کے ساتھ مل کر بین الاقوامی تعلقات میں پابندیوں کے سیاست کے خاتمے کی کوشش جاری رکھیں گے۔
روسی وزارت خارجہ کی ترجمان نے کہا کہ "یکطرفہ پابندیوں کا غیر قانونی نفاذ طویل عرصے سے مغرب کے ناپسندیدہ ممالک کا حساب کتاب چکانے اور انہیں سزا دینے کا حرب بن چکا ہے جس کا سدباب کیا جانا ضروری ہے۔
