ایرانی جوہری پروگرام کے خاتمے سے متعلق امریکی مطالبہ NPT کے خلاف ہے، روس

اپنی جوہری تنصیبات کا خاتمہ کہ جو زیادہ طلبی پر مبنی امریکی مطالبات میں شامل ہے، سے ایران کی مخالفت پر تبصرہ کرتے ہوئے عالمی جوہری توانائی ایجنسی میں روس کے نمائندے میخائیل اولیانوف نے، مذکورہ امریکی مطالبے کو این پی ٹی (NPT) کے منافی قرار دیا ہے۔ اس حوالے سے سوشل میڈیا پر جاری ہونے والے اپنے ایک پیغام میں بین الاقوامی ایٹمی توانائی ایجنسی میں روس کے نمائندے نے سوال اٹھایا کہ "ایران کو یہ امریکی مطالبہ بالآخر کیوں تسلیم کرنا چاہیئے؟”

اعلی روسی سفارتکار نے اس جیسے کسی بھی مطالبے کو این پی ٹی کی صریح خلاف ورزی قرار دیتے ہوئے لکھا کہ لگتا ایسا ہے کہ واشنگٹن کو جوہری عدم پھیلاؤ کے نظام کی سالمیت کے تحفظ کی ذرہ بھر بھی پرواہ نہیں۔ اپنے پیغام میں میخائیل اولیانوف نے جوہری عدم پھیلاؤ کے معاہدے کے آرٹیکل 4 کا حوالہ بھی دیا، کہ جس میں کہا گیا ہے کہ جوہری توانائی کے پرامن استعمال بشمول افزودگی، کا حق تمام رکن ممالک کے لئے محفوظ ہے نیز یہ کہ کوئی بھی ملک کسی بھی دوسرے ملک کو اپنی قانونی تنصیبات کے خاتمے پر مجبور نہیں کر سکتا!

واضح رہے کہ اس طرح کا کوئی بھی مطالبہ اس عالمی معاہدے (NPT) کی سالمیت کو شدید نقصان پہنچاتا ہے کیونکہ اور اس سے یہ پیغام جاتا ہے کہ بڑی طاقتیں اپنی مرضی سے دوسرے ممالک کو ان کے بنیادی حقوق سے بھی محروم کر سکتی ہیں!