پنجاب اسمبلی کے نومنتخب اراکین نے حلف اُٹھا لیا، سپیکر اور ڈپٹی سپیکر کا انتخاب کل ہوگا

پاکستان کے صوبے پنجاب کی صوبائی اسمبلی کے نومنتخب اراکینِ اسمبلی نے جمعے کو حلف اُٹھا لیا ہے۔اسمبلی کے سیکریٹری کی جانب سے اعلان کیا گیا ہے کہ صوبائی اسمبلی میں سپیکر اور ڈپٹی سپیکر کا انتخاب سنیچر کو ہوگا۔

صوبائی اسمبلی میں کیے گئے اعلان کے مطابق سپیکر اور ڈپٹی سپیکر کے انتخاب سے قبل امیدواران اپنے کاغذتِ نامزدگی آج شام پانچ بجے سے پہلے اسمبلی کے سیکریٹری کے پاس جمع کروائیں گے۔کاغذاتِ نامزدگی کی جانچ پڑتال کا عمل بھی آج ہی مکمل کیا جائے گا۔ اسمبلی کے سیکریٹری کے مطابق سنیچر کو سپیکر اور ڈپٹی سپیکر کا انتخاب خفیہ رائے شماری کے تحت ہوگا۔اسمبلی میں سپیکر اور ڈپٹی سپیکر کے انتخاب کے لیے دو پولنگ بوتھ قائم کیے جائیں گے۔