◷

جموں کشمیر کمیٹی کا رہبر ایران کے نام خط

15 نومبر 2026

جموں و کشمیر جوائنٹ عوامی ایکشن کمیٹی کی جانب سے سپریم لیڈر سید مجتبی خامنہ ای کے نام خط لکھا گیا

اس خط میں کشمیری عوام کی نیابت میں ان کے نمایندوں نے رہبر انقلاب سید مجتبی خامنہ ای کی خدمت میں ان کے والد سید علی خامنہ ای کی شہادت کی تعزیت پیش کی ۔

اس خط میں نمایدوں نے لکھا کہ جموں و کشمیر جوائنٹ عوامی ایکشن کمیٹی، کشمیر کے تمام عوام کی جانب سے آپ کے والدِ گرامی، رہبرِ ایران امام آیت اللہ علی خامنہ ای کی شہادت پر آپ کی خدمت میں تعزیت پیش کرتی ہے۔ آپ کے سر سے والدِ محترم کا سایہ اٹھ گیا ہے اور ہم اس غم میں آپ کے ساتھ برابر کے شریک ہیں۔ ہم ملتِ ایران کے اس عظیم صدمے میں بھی شریک ہیں جو ایسے بے مثال رہبر اور مرجعِ تقلید کو کھونے کے باعث پیش آیا ہے۔

ایران کی مزاحمت دنیا بھر کے مظلوم انسانوں اور اقوام کے لیے آزادی کی امید ہے۔ محورِ مزاحمت نے استعماری طاقتوں کے سامنے استقامت کا مظاہرہ کیا ہے۔ اس استقامت نے پوری امتِ مسلمہ کے دل و دماغ میں ثابت قدمی اور شجاعت کی نشانیاں ثبت کی ہیں۔ ملتِ ایران نے یہ استقامت اپنی ہزاروں سالہ فارسی تہذیب اور فکر و عملِ حیدری و حسینی سے حاصل کی ہے۔

جموں و کشمیر کے عوام بھی استقامت کے ساتھ اس کاروانِ مزاحمتِ حسینی کا حصہ ہیں۔ وہ گزشتہ تین سال سے اپنے وسائل پر ملکیت اور اپنی سرزمین پر حقِ حکمرانی کے لیے مسلسل جدوجہد کر رہے ہیں۔ کشمیری قوم آبنائے ہرمز پر قبضے کے لیے استعماری طاقتوں کی سازشوں اور اقدامات کو عالمی امن کے لیے خطرہ سمجھتی ہے۔ یہ آبنائے ملتِ ایران کا حق ہے۔ بعض طاقتیں استعمار کے خلاف دیانت دارانہ مقابلہ کرنے کے بجائے امریکی استعمار کی مدد کر رہی ہیں۔ ہم ان تمام طاقتوں کو عالمی امن کا دشمن اور ملتِ ایران پر امریکہ اور اسرائیل کے حملے کا ذمہ دار سمجھتے ہیں۔

استعمار نے مفاہمت کی یادداشت پر دستخط کرنے کے بعد اس سے انحراف کیا۔ یہ اقدام محض طاقت کے غرور کا نتیجہ ہے۔ ہمیں مکمل یقین ہے کہ ایران کی مزاحمت غرورِ طاقت کے اس بت کو توڑ دے گی۔ یہ مزاحمت عالمی سطح پر مشرکین اور ان کے حامیوں کا راستہ روکے گی تاکہ وہ عالمی امن کو تباہ نہ کر سکیں۔

کشمیر کی پوری قوم گزشتہ تین سال سے کشمیر پر ملکیت اور حقِ حکمرانی کے لیے میدانِ عمل میں موجود ہے۔ انہوں نے ’’نیکی کے کاموں میں تعاون‘‘ کے اصول کے تحت اپنی استطاعت کے مطابق ملتِ ایران کی مزاحمت کی حمایت کی ہے۔

جموں و کشمیر جوائنٹ عوامی ایکشن کمیٹی کی مرکزی ہیئت کے اراکین میں درج ذیل افراد شامل ہیں ۔

  • سردار عمر ندیم کشمیری
  • امتیاز اسلم
  • خواجہ میزان ارشد (وکیل)
  • سعد انصاری (وکیل)
  • سردار ارباب (وکیل)
  • راجہ غلام مجتبیٰ

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے