آیت اللہ خامنہ کی آخری رسومات عالمی میڈیا کے زبانی

انقلاب اسلامی ایران کے شہید رہبر آیت اللہ العظمی سید علی خامنہ ای کی نماز جنازہ کے پہلے روز کی تقریبات کو مختلف بین الاقوامی ذرائع ابلاغ کی جانب سے وسیع کوریج دی گئی جس کے دوران معروف برطانوی چینل اسکائی نیوز نے بھی اس حوالے سے گہرا تبصرہ کیا ہے۔ ایرانی خبررساں ایجنسی فارس نیوز کے مطابق شہید رہبر انقلاب اسلامی کی تقریب نماز جنازہ کی کوریج کے لئے اپنے ایڈیئر بین الاقوامی امور ڈومینک واگہورن (Dominic Waghorn, International affairs editor) کو تہران روانہ کرنے والے اسکائی نیوز نے اس دوران تقریب پر حاکم ماحول پر تبصرہ کیا اور سوگواروں کی جانب سے "مرگ بر امریکہ”، "انتقام، انتقام” اور "بدلہ، بدلہ” کے جیسے نعروں کے بارے خصوصی رپورٹ دی۔

اس بارے اسکائی نیوز کا لکھنا ہے کہ ایرانی انقلاب کے شہید رہنمائے اعلی کی نماز جنازہ کی تقریب میں ایران اور دنیا بھر کے دسیوں ممالک سے ملین ہا افراد کی شرکت متوقع ہے لہذا اس تقریب کو "تمام آخری رسومات کی ماں” قرار دیا جا سکتا ہے۔ برطانوی میڈیا نے مزید لکھا کہ شہید رہنما اور ملک کے دیگر اعلی عہدیداروں کے "قتل” کے باوجود ایران کی خودمختاری بدستور برقرار ہے۔ تہران سے کوریج دینے والے اسکائی نیوز کے ایڈیٹر نے ان تقریبات کو ایران کی طاقت اور اتحاد کا کھلا مظاہرہ بھی قرار دیا۔