اقوامِ متحدہ کے سیکریٹری جنرل نے کہا ہے کہ غزہ کی پٹی میں جنگ بندی کے آغاز سے اسرائیلی فوجی حملوں میں ایک ہزار فلسطینی شہید ہوچکے ہیں۔

 اقوامِ متحدہ کے سیکریٹری جنرل انتونیو گوتیرس نے اپنے ایک بیان میں کہا کہ غزہ میں زندگی کے حالات انتہائی سنگین ہیں۔ عوام بارود کے ڈھیر، وبائی امراض اور بڑے پیمانے پر نقل مکانی کے سائے میں زندگی گزار رہے ہیں۔

انتونیو گوتیرس نے کہا کہ مغربی کنارے کے فلسطینیوں کو صیہونی آبادکاروں کے حملوں، تشدد، آبادکاری میں توسیع اور الحاق کے بڑھتے ہوئے خطرے کا سامنا ہے۔

عالمی ادارہ کے سربراہ نے کہا کہ مغربی کنارے کی زمینوں کا ناجائز الحاق بین الاقوامی قوانین کی کھلی خلاف ورزی تصور کیا جائے گا۔

اقوامِ متحدہ کے سیکریٹری جنرل انتونیو گوتیرس نے مزید کہا کہ مشرقی بیت المقدس میں انروا امدادی ایجنسی کے دفتر پر قبضہ غیرقانونی اور ناقابل قبول اقدام ہے۔