مگرمچھ کے آنسو بہت ہوگئے: فرانسیسی وزیر خارجہ کے پیغام پر ایران کے وزیر خارجہ کا ردعمل

 اسلامی جمہوریہ ایران کے وزیر خارجہ سید عباس عراقچـی نے اپنے فرانسیسی ہم منصب کے حالیہ پیغام کو مگرمچھ کے آنسو سے تعبیر کیا ہے

اسلامی جمہوریہ ایران کے وزیر خارجہ سید عباس عراقچی نے اپنے فرانسیسی ہم منصب کے پیغام پر سوشل میڈیا پرسخت ردعمل ظاہر کیا ہے۔

انھوں نے اپنی اس پوسٹ میں لکھا ہے کہ” الجزائر کی جنگ آزادی میں فرانس نے 15 لاکھ الجزائری شہریوں کا قتل کردیا اور پیرس نے دس فیصد سے بھی کم کا اندراج کیا اور اب تک اپنے سامراجی جرائم پرمعافی مانگنے کے لئے تیار نہیں ہے۔”

وزیر خارجہ سید عباس عراقچی نے سوشل میڈیا پر اپنی پوسٹ میں لکھا ہے کہ "مسٹربارو! مگر مچھ کے آنسو بہت ہوچکے۔ جب امریکا نے ہمارے اسکول کے بچوں کا قتل عام کیا تو اس پر تمھاری خاموشی نے سب کچھ بیان کردیا۔”