خطے میں کشیدگی کو کمرنے کی ضرورت ہے، قطر و سعودی عرب

قطری وزارت خارجہ نے ایک بیان میں اعلان کیا ہے کہ ملکی وزیرخارجہ محمد بن عبدالرحمن آل ثانی نے اپنے سعودی ہم منصب فیصل بن فرحان کے ساتھ ٹیلیفون پر گفتگو کی ہے جس میں دو طرفہ تعلقات اور علاقائی صورتحال پر تبادلہ خیال کیا گیا۔ اس بیان کے مطابق محمد بن عبدالرحمن آل ثانی اور فیصل بن فرحان نے خطے میں کشیدگی کو کم کرنے کی کوششوں پر زور دیا۔ قطر اور سعودی عرب کے وزرائے خارجہ نے ثالثی کی کوششوں کا تمام فریقوں کی جانب سے مثبت جواب دیئے جانے اور ایک پائیدار معاہدے تک پہنچنے نیز کشیدگی کو دوبارہ بڑھنے سے روکنے کی ضرورت پر بھی زور دیا۔ اس دوران فریقین نے امریکہ اور ایران کے درمیان جنگ بندی اور کشیدگی میں کمی لانے کے لئے باہمی تعاون کی ضرورت پر بھی تاکید کی۔