آبنائے ہرمز میں چینی آئل ٹینکر پر حملے کی ایران کیجانب سے تردید

آبنائے ہرمز میں ایک چینی ٹینکر کو نشانہ بنانے کے حوالے سے بعض غیر مصدقہ اطلاعات کی اشاعت پر چین میں تعینات ایرانی سفیر عبدالرضا رحمانی فضلی نے واضح بیان جاری کرتے ہوئے اس واقعے میں ایرانی افواج کے کسی بھی کردار کی تردید کی ہے۔ اپنے بیان میں اس بات پر زور دیتے ہوئے کہ چینی آئل ٹینکر پر حملہ ایرانی فورسز نے نہیں کیا، بیجنگ میں تعینات ایرانی سفیر نے کہا کہ اس طرح کے دعووں کی، مخصوص سیاسی مقاصد کے لئے اشاعت کی جا رہی ہے۔ عبد الرضا رحمانی فضلی نے کہا کہ یہ دعوے کہ چینی آئل ٹینکر کو ہماری افواج نے نشانہ بنایا ہے، ایرانی وزیر خارجہ سید عباس عراقچی کے حالیہ دورہ بیجنگ کی کامیابیوں کو کمزور بنانے اور ان پر پردہ ڈالنے کے مقصد سے ڈیزائن اور شائع کئے جا رہے ہیں۔