پاکستان میں ڈیجیٹل کرنسی متعارف کرانے پر غور کر رہے ہیں، وزیر خزانہ

وفاقی وزیر خزانہ محمد اورنگزیب نے کہا ہے کہ حکومت ملک میں ڈیجیٹل کرنسی متعارف کرانے پر غور کر رہی ہے۔نجی ٹی وی چینل کے مطابق سعودی عرب میں ورلڈ اکنامک فورم (ڈبلیو ای ایف) کے خصوصی اجلاس کے دوران وزیر خزانہ اورنگزیب نے ڈیجیٹل کرنسی اپنانے کے حوالے سے پاکستان کی سوچ کا اظہار کیا۔

مالی شمولیت کے خدشات کو دور کرتے ہوئے وزیر خزانہ اورنگزیب نے پاکستان میں غریب خواتین کو فراہم کی جانے والی حکومتی امداد پر روشنی ڈالی۔وزیر خزانہ اورنگزیب نے عام شکایات کا بھی اعتراف کیا جہاں خواتین کو اکثر خاندان کے مرد ممبروں کی طرف سے نقد چوری کا سامنا کرنا پڑتا ہے۔

محمد اورنگزیب نے ملک کی خواتین کو مالی طور پر بااختیار بنانے کے لئے ڈیجیٹل والٹ حل کرنے کی وکالت بھی کی۔