بحیرہ احمر : انصار اللہ کے حملے کے بعد کارگو جہاز ڈوب گیا

انصار اللہ کے بحیرہ احمر میں کئی ہفتوں سے جاری حملوں کے نتیجے میں اطلاع آئی ہے کہ روبیمار نامی کارگو جہاز مکمل طور پر ڈوب کر تباہ ہو گیا ہے۔ اس جہاز کو انصار اللہ نے کئی روز پہلے نشانہ بنایا تھا۔تاہم اس کے ڈوبنے کی تصدیق ہفتے کے روز کی گئی ہے۔ روبیمار نامی یہ کارگو جہاز انصار اللہ کے حملوں میں اب تک کا پہلا جہاز سہے جو مکمل طور پر ڈوب کر تباہ ہوا ہے۔

واضح رہے انصار اللہ کا کہنا ہے کہ وہ غزہ میں اسرائیلی جنگ کے رد عمل میں فلسطینیوں سے یکجہتی کے لیے بحیرہ احمر میں اسرائیلی جہازوں ، اسرائیلی اتحادیوں کے جہاز اور اسرائیل کے لیے نقل و حمل کے لیے بروئے کار جہازوں کو نشانہ بنا رہے ہیں۔ جس کے نتیجے میں تیل سمیت بہت ساری ضروری اشیائے صرف کی ترسیل میں صرف رخنہ نہیں آرہا بلکہ ان اخراجات پر بھی بہت برا اثر پڑ رہا ہے۔

ہفتے کے روز کارگو اور میری ٹائم سے متعلق حکام کا کہنا ہے کہ اس کارگو کو کئی روز قبل انصار اللہ نے نشانہ بنایا تھا اور کئی دن بعد یہ حتمی طور پر سمندر میں ڈوب گیا ہے۔ تاہم یہ واضح نہیں ہو سکا کہ کتنے دن تک یہ جہاز ڈوبنے کے عمل سے گزرتا رہا اور اس کی اطلاع سامنے کیوں نہ آ سکی۔روبیمار کے بیروت میں مقیم مینیجر نے فوری طور پر اس واقعہ پر تبصرہ نہیں کیا ہے ۔ یمن کی حکومت کا کہنا ہے کہ بحیرہ احمر میں طوفانی موسم کی وجہ سے جمعہ کو رات گئے روبیمار ڈوب گیا