روہت شرمناک ریکارڈ حاصل کرنے سے محض ایک قدم دور

ٹی20 انٹرنیشنل میں سب سے زیادہ صفر پر پویلین لوٹنے والے بلےبازوں میں بھارتی کپتان روہت شرما دوسرے نمبر پر آگئے۔بھارتی میڈیا کی رپورٹس کے مطابق 14 ماہ بعد ٹی20 انٹرنیشنل میں واپسی کرنے والے روہت شرما افغانستان کے خلاف سیریز کو یادگار بنانے سے قاصر رہے، سیریز کے پہلے میچ میں وہ صفر پر رن آؤٹ ہوئے جبکہ دوسرے میچ میں پہلی ہی گیند پر کلین بولڈ ہوگئے۔روہت شرما ٹی20 میں شرمناک ریکارڈ حاصل کرنے سے محض ایک قدم دور ہیں، کرکٹر اُن بیٹرز کی فہرست میں دوسرے نمبر پر آگئے ہیں جو سب سے زیادہ مرتبہ صفر پر آؤٹ ہوئے۔