ٹی20 ورلڈکپ سے قبل پاکستان کی مڈل آرڈر کیلئے خطرے کی گھنٹی بج گئی

نیوزی لینڈ کی سی ٹیم کیخلاف مسلسل دوسری شکست نے پاکستان کی مڈل آرڈر بیٹنگ لائن پر سوالیہ نشان لگادیا۔آئی سی سی ٹی20 ورلڈکپ 2024 میں محض 39 روز باقی رہ گئے ہیں لیکن گرین شرٹس ہوم گراؤنڈ پر کیویز کی سی ٹیم کا مقابلہ بھی نہیں کرسکے، گزشتہ روز لاہور میں کھیلے گئے چوتھے ٹی20 میں نیوزی لینڈ نے شکست دیکر سیریز میں 1-2 کی برتری حاصل کرلی ہے۔

سیریز سے قبل کیویز کو ہلکا لینے والے پاکستانی کھلاڑیوں کی پرفارمنس پر سوالیہ نشان ہے، کپتان بابراعظم آؤٹ فارم ہیں جبکہ اوپننگ کیلئے رضوان اور بابر اپنی پوزیشنز چھوڑنے کو تیار نہیں۔ اسی طرح مڈل آرڈر میں افتخار احمد بھی پرفارم نہیں کرپا رہے۔