صومالیہ میں ہلاک ہونے والے اماراتی فوجیوں کے جسد خاکی وطن پہنچ گئے

صومالیہ میں دہشت گرد حملے میں ہلاک ہونے والے چار اماراتی فوجیوں کے جسد خاکی اتوار کو فوجی طیارے کے ذریعے ابوظبی ایئرپورٹ پہنچ گئے۔
الامارات الیوم کے مطابق ابوظبی ایئ پورٹ پر خصوصی تقریب میں میتیں وصول کی گئیں۔ تابوت قومی پرچم میں لپٹے ہوئے تھے۔اس موقع پر اہل خانہ کے علاوہ وزارت دفاع کے عہدیدار اور فوجی حکام بھی موجود تھے۔

واضح رہے کہ وزارات دفاع نے بیان میں کہا تھا کہ صومالیہ میں ٹریننگ کے لیے موجود اماراتی فوج کے اہلکار دہشتگردوں کے حملے میں ہلاک ہوئے۔مرنے والوں میں کرنل محمد المنصوری، وارنٹ آفیسر محمد الشامسی، خلیفہ البلوشی اور سلیمان الشحی شامل ہیں۔
وزارت دفاع نے بیان میں اہل خانہ سے تعزیت کی اور زخمیوں کی جلد صحتیابی کی خواہش کا اظہار کیا۔
واضح رہے کہ امارات کے فوجی صومالیہ میں اقوام متحدہ کے امن مشن کے تحت موجود ہیں۔