پشین، سی ٹی ڈی کی کارروائی، 9 مبینہ دہشتگرد ہلاک
کاؤنٹر ٹیررازم ڈیپارٹمنٹ نے بلوچستان کے ضلع پشین میں کارروائی کرتے ہوئے 9 مبینہ دہشتگردوں کو ہلاک کر دیا۔ ترجمان سی ٹی ڈی کے مطابق پشین کے علاقے خانئی بابا میں محکمہ انسداد دہشت گردی نے کارروائی کی۔ جس کے نتیجے میں 9 دہشت گرد مارے گئے۔ ترجمان سی ٹی ڈی نے بتایا کہ مارے جانے والے دہشت گردوں کے قبضے سے اسلحہ اور گولہ بارود برآمد ہوا۔ ان کا کہنا تھا کہ مارے جانے والے دہشت گردی متعدد مقدمات میں مطلوب تھے۔
