وزیراعظم قازقستان میں شنگھائی تعاون تنظیم سربراہی اجلاس میں شرکت کرینگے

اسلام آباد: وزیراعظم آستانہ قازقستان میں شنگھائی تعاون تنظیم (ایس سی او) کے سربراہی اجلاس میں شرکت کریں گے، آستانہ جانے سے پہلے وہ تاجکستان کا دو روزہ دورہ کریں گے۔

ذرائع کے مطابق شہباز شریف کل آستانہ قازقستان کا دورہ کریں گے، شہباز شریف اہم ترین علافائی فورم شنگھائی تعاون تنظیم کے سربراہی اجلاس میں شرکت کریں گے۔ ایس سی او کا سربراہی اجلاس 3 اور 4 جولائی کو آستانہ میں ہوگا۔

ذرائع کے مطابق پاکستان کا ابتدائی وفد آستانہ پہنچ گیا ہے، ایس سی او کے نیشنل کوآرڈی نیٹر 2 جولائی تک سربراہی اجلاس کا ایجنڈا طے کریں گے۔ سربراہی اجلاس میں علاقائی و عالمی امور پر غور ہوگا، سربراہی اجلاس کے اختتام پر اعلامیہ جاری ہوگا۔

بھارت بھی ایس سی او کا رکن ملک ہے لیکن ابھی تک نریندر مودی کی شرکت غیر یقینی ہے۔ آستانہ جانے سے پہلے شہباز شریف 2 اور 3 جولائی کو تاجکستان کا دو روزہ دورہ کریں گے۔