پیپلز پارٹی نے پنجاب اور گورنر خیبر پختونخوا کیلئے گورنرز نامزد کر دئیے

پیپلز پارٹی کے سردار سلیم حیدر کو پنجاب اور فیصل کریم کنڈی کو گورنر خیبر پختونخوا بنائے جانے کا امکان ہےفائل فوٹوپیپلز پارٹی کے سردار سلیم حیدر کو پنجاب اور فیصل کریم کنڈی کو گورنر خیبر پختونخوا بنائے جانے کا امکان ہے

پیپلز پارٹی نے سردار سلیم حیدر کو پنجاب، فیصل کریم کنڈی کو خیبر پختونخوا کا گورنر نامزد کر دیا چیئرمین پیپلزپارٹی بلاول بھٹوزرداری نے سردار سلیم حیدر کو گورنر پنجاب جبکہ فیصل کریم کنڈی کو گورنر خیبر پختونخوا نامزد کر دیا۔چیئرمین پاکستان پیپلز پارٹی بلاول بھٹو زرداری کا کہنا ہے کہ وہ پراعتماد ہیں کہ یہ دونوں رہنما اپنےفرائض بخوبی سرانجام دیں گے۔

فیصل کریم کنڈی کا تعلق ڈیرہ اسماعیل خان سے ہے، وہ پاکستان پیپلزپارٹی کے سیکریٹری اطلاعات اور 2008 سے 2013 تک ڈپٹی اسپیکر قومی اسمبلی رہے ہیں۔

فیصل کریم کنڈی کا تعلق ڈیرہ اسماعیل خان سے ہے، وہ پاکستان پیپلزپارٹی کے سیکریٹری اطلاعات اور 2008 سے 2013 تک ڈپٹی اسپیکر قومی اسمبلی رہے ہیں

سردارسلیم حیدرخان معاون خصوصی برائے اوورسیز پاکستانیز بھی رہ چکے ہیں، وہ وزیر مملکت برائے دفاع اور دفاعی پیدوار بھی رہ چکے ہیں۔وہ 2008 میں اٹک سے این اے 59 سے ایم این اے منتخب ہوئے۔

سردارسلیم حیدر نے میڈیا سے گفتگو میں کہا ہے کہ چیئرمین پیپلزپارٹی نے مجھے خوشخبری سنائی ہے کہ آپ ہمارے گورنر پنجاب ہوں گے، بتایا گیا ہے کہ آج رات تک نوٹیفکیشن جاری ہوجائے گا۔