کیلیفورنیا یونیورسٹی میں اسرائیلی حامیوں کا فلسطینی حامیوں پر حملہ، متعدد زخمی
فلسطین کے حامیوں پر امریکی شہر لاس اینجلس کی یونیورسٹی میں اسرائیل کے حامیوں نے حملہ کردیا، جس کے نتیجے میں متعدد فلسطینی حامی طلباء زخمی ہوگئے۔میڈیا رپورٹس کے مطابق اسرائیلی حامیوں کے حملے میں غزہ جنگ بندی کے حامی متعدد طلباء بری طرح زخمی ہوگئے، دو گھنٹے کی حملہ آور کارروائی کے دوران پولیس کا کردار خاموش تماشائی کا رہا۔
پولیس کی جانب سے کولمبیا یونیورسٹی میں احتجاجی کیمپوں کو خالی کرالیا گیا، کولمبیا یونیورسٹی، سٹی کالج آف نیویارک، فلوریڈا یونیورسٹی اور نیواورلینز کی یونیورسٹی سے 300 سے زائد مظاہرین کو حراست میں لے لیا گیا۔امریکی میڈیا کا اس حوالے سے کہنا ہے کہ 18 اپریل سے جاری احتجاج میں اب تک 13 سو سے زائد مظاہرین کو گرفتار کرلیا گیا ہے۔
About Author
