پاکستان: ایران کو پر امن ایٹمی توانائی سے استفادے کا حق حاصل ہے
پاکستان کے دفتر خارجہ کے ترجمان نے پر امن ایٹمی پروگرام کو ایران کا حق قرار دیا ہے
پاکستان کے دفتر خارجہ کے ترجمان سجاد حیدر نے آج اسلام آباد میں ہفتے وار پریس کانفرنس کے دوران، آئی اے ای اے کے بورڈ آف گورنرس کے اجلاس میں پاس ہونے والی، امریکا اور یورپی ٹرائیکا کی قرار داد کے بارے میں ارنا کے نامہ نگار کے سوال کے جواب میں کہا کہ پاکستان سمجھتا ہے کہ ایران کو این پی ٹی کے رکن کی حیثیت سے پر امن ایٹمی پروگرام کی توسیع کا حق حاصل ہے۔
انھوں نے کہا کہ آئی اے ای اے کے بورڈ آف گورنرس میں امریکا اور یورپی ٹرائیکا کے اقدام کے بارے میں وہ کچھ اور نہیں کہنا چاہتے۔
پاکستان کے دفتر خارجہ کے ترجمان نے، یمن کے بارے میں اسلام آباد سے تہران کے لئے پیغام ارسال کئے جانے پر مبنی رائٹرز کے دعوے کے بارے میں ارنا کے نامہ نگار کے سوال کے جواب میں کہا کہ یہ رپورٹ صحیح نہیں ہے۔
