پوتین: برکس کے فریم ورک میں مشترکہ ترقی کے وسائل فراہم کئے جائيں

روس کے صدر نے کہا ہے کہ برکس گروپ کے رکن ممالک کے درمیان تجارت اس وقت 1.2 ٹریلین ڈالر تک پہنچ گئی ہے اور برکس کی مشترکہ ترقی کے لیے ایک میکانزم تشکیل دیا جانا چاہیے۔

ولادیمیر پوتین نے اتوار کو  دہلی میں برکس پلس کے 18 ویں سربراہی اجلاس میں مزید کہا: رکن ممالک عالمی برآمدات کا تقریبا ایک چوتھائی حصہ تشکیل دیتے ہیں اور عالمی جی ڈی پی کی کا بڑا حصہ  برکس کے رکن ملکوں کے پاس ہے۔

پوتین نے کہا: برکس  کے رکن ممالک سال بہ سال بڑھتی ہوئی آبادی کے مالک ہيں اپنی اندرونی منڈیوں کو مضبوط کر رہے ہیں، طاقتور صنعتی، ٹیکنالوجی، مالی، سائنسی اور تعلیمی مراکز تیار کررہے ہیں اور جدید ٹرانسپورٹ، توانائی اور ڈیجیٹل انفراسٹرکچر تعمیر کررہے ہیں۔

روس کے صدر نے واضح کیا کہ برکس کے رکن ممالک کے پاس سامان، خدمات اور سرمائے کی منتقلی کے لیے اپنے مخصوص چینل ہیں ۔ یہ چینل اس وقت بیرونی دباؤ سے قطع نظر تجارتی، بینکنگ، مالی اور سرمایہ کاری کے معاملات کو مؤثر طریقے سے انجام دینے کی سہولت فراہم کرتے ہیں۔

انہوں نے  کہا کہ برکس گروپ نے بغیر کسی استثنی کے، تمام ممالک، کی حمایت کی ہے تاکہ انہیں پائیدار اور متوازن اقتصادی و سماجی ترقی کے لیے مساوی اور لامحدود مواقع حاصل ہوں،  جس کی بنیاد پر وہ اپنے عوام کی خوشحالی کی ضمانت دیں، ساتھ ہی اپنی منفرد قومی ثقافتوں اور روایات کو محفوظ رکھیں اور اپنے ترقیاتی  اصولوں پر قائم رہیں۔