آبنائے ہرمز سے گزرنے والے جہاز ھوشیار !
آبنائے ہرمز سے گزرنے والے جہازوں کو تاوان جنگ ادا کرنا ہوگا
ایران کی پارلمنٹ مجلس شورائے اسلامی کے خارجہ پالیسی اور قومی سلامتی کمیشن کے ترجمان نے آبنائے ہرمز کی سلامتی اور پائیدار پیشرفت کے بارے میں اسٹریٹجک ایکشن پلان کے بعض شقوں کی منظوری کی خبر دیتے ہوئے کہا ہے کہ آبنائے ہرمز سے رفت و آمد کو جنگی معاوضے کی ادائیگی سے مشروط کر دیا گيا ہے۔
حسن قشقاوی نے منگل (یکم ستمبر) کو صحافیوں کو بتایا کہ آج کے اجلاس میں "آبنائے ہرمز کی سلامتی اور پائیدار پیشرفت کے حوالے سے اسٹریٹجک ایکشن پلان پر نظر ثانی کا سلسلہ جاری رہا اور شق نمبر پانچ کے نوٹ نمبر دو کی منظوری دی گی۔
انہوں نے بتایا کہ اس ایکشن پلان کے آرٹیکل (6) پر بھی غور اور اس کی منظوری دی گئي۔ یہ آرٹیکل آبنائے ہرمز میں سروسز اور انشورنس ٹیرف کے تعین کے لیے میکانزم اور انتظامی ضوابط کے تعین کے بارے میں ہے۔
رکن پارلینمٹ حس قشقاوی نے بتایا کہ مسودے کی شق (7) کی منظوری بھی دی گئی جس کے مطابق تمام ممالک، تنظیمیں اور افراد اور کمپنیاں جنہوں نے جنگ کے دوران اسلامی جمہوریہ ایران کو نقصان پہنچایا ہے، اس بات کی پابند ہیں کہ وہ معاوضے کی ادائیگی کے طریقہ کار پر اسلامی جمہوریہ ایران کی حکومت کے ساتھ معاہدہ کریں۔
قشقاوی نے واضح کیا کہ اس بل کے مطابق اگر یہ ممالک یا کمپنیاں معاوضے کی ادائیگی کے لیے اقدام نہیں کرتے یا اس سلسلے میں اسلامی جمہوریہ ایران کے ساتھ معاہدہ نہیں کرتے تو ان کے آبنائے ہرمز سے گزرنے کا اجازت نامہ جاری نہیں کیا جائے گا۔
