جنرل رضائی: مستقبل میں علاقے میں امریکا کے لئے کوئی جگہ نہیں ہوگی
اسلامی جمہوریہ ایران کی اعلی قومی سلامتی کے سیکریٹری محسن رضائی نے کہا ہے کہ آئندہ اس علاقے میں امریکا کے لئے کوئی جگہ نہیں ہوگی
ایران کی اعلی قومی سلامتی کونسل کے سیکریٹری جنرل محسن رضائی نے عراق کی اعلی عدالتی کونسل کے سربراہ فائق زیدان سے ملاقات میں دونوں ملکوں کے تاریخی اورثقافتی مشترکات پر زور دیا اور کہا کہ ایران آزاد وخودمختار اورطاقتور عراق چاہتا ہے۔
انھوں نے کہا کہ مستقبل میں اس علاقے کے ممالک اپنے بارے میں خود فیصلہ کریں گے اورامریکا کے لئے اس علاقے میں کوئی جگہ نہیں ہوگی۔
اعلی قومی سلامتی کونسل کے سیکریٹری نے اس ملاقات میں، ایران اور عراق، دونوں ملکوں کی سرحد کے علاقوں میں ایران مخالف گروہوں کے بارے میں ضروری فیصلہ کئے جانے کی ضرورت زور دیا ہے۔
عراق کی سپریم جوڈیشیل کونسل کے سربراہ فائق زیدان نے بھی دونوں ملکوں کے تاریخی و ثقافتی مشترکات کی اہمیت پر زور دیا اور ایران کی حمایت کی قدردانی کی۔
انھوں نے رہبر انقلاب اسلامی آیت اللہ العظمی سید مجتبیٰ حسینی خامنہ ای کی خدمت میں عراقی حکام کی جانب سے سلام پہنچانے کی درخواست کی اور شہید جنرل قاسم سلیمانی نیز شہید جنرل ابو مہدی المہندس کو یاد کرتے ہوئے انہیں خراج عقیدت پیش کیا۔
عراق کی اعلی عدالتی کونسل کے سربراہ نے علاقائی تعاون اور ایران و عراق، دونوں ملکوں کی سرحدوں پر امن و سلامتی کی ضرورت پر زور دیا۔
