صہیونی رژیم انسانی امداد کو ہتھیار کے طور پر استعمال کر رہا ہے

🔹 فلسطینی اسلامی مزاحمتی تحریک حماس نے ایک بیان میں قابض صہیونی حکومت کی کابینہ کی جانب سے مغربی کنارے اور غزہ کی پٹی میں درجنوں بین الاقوامی امدادی اداروں کی سرگرمیوں کے اجازت نامے منسوخ کرنے کے اقدام کی شدید مذمت کی ہے۔

🔹 حماس نے اس اقدام کو خطرناک اشتعال انگیزی اور عالمی برادری کی کھلی توہین قرار دیتے ہوئے زور دیا کہ اسرائیل انسانی امداد کو سیاسی رنگ دینے اور اسے فلسطینی عوام پر دباؤ ڈالنے کے آلے میں بدلنے کی کوشش کر رہا ہے۔

🔹 تحریک نے غزہ میں بے مثال انسانی بحران کی جانب اشارہ کرتے ہوئے اقوامِ متحدہ اور بین الاقوامی اداروں سے مطالبہ کیا کہ وہ “بھوک کو بطور ہتھیار استعمال کرنے” کو روکنے اور فلسطینی عوام کی حمایت کے لیے فوری اور مؤثر اقدامات کریں۔