غزہ میں مزاحمتی تحریک کے مخالف گروہ کی تشکیل؛

غزہ میں مزاحمتی تحریک کے مخالف گروہ کی تشکیل؛ اسرائیل کی جانب سے "یاسر ابو شباب” کے گروہ کو اسلحہ فراہم کیے جانے کا انکشاف

🔹غزہ کی پٹی میں انسانی امداد کے داخلے کے بعد، متعدد رپورٹس میں بتایا گیا ہے کہ مسلح نامعلوم افراد نے ان امدادی سامان کو چوری کیا ہے۔
کئی ویڈیوز میں دکھایا گیا ہے کہ امداد کی تقسیم کے مراکز کے آس پاس مسلح عناصر موجود تھے اور بعض مواقع پر انہوں نے فلسطینی پناہ گزینوں پر فائرنگ بھی کی۔

🔹اب عبرانی میڈیا نے اعتراف کیا ہے کہ اسرائیلی حکومت نے مزاحمتی گروہوں کے مخالف ایک مسلح گروہ کو اسلحہ فراہم کیا ہے۔
یہ گروہ یاسر ابو شباب کی قیادت میں کام کر رہا ہے۔

🔹اسلحہ وہی ہے جو اسرائیلی فورسز نے غزہ میں فلسطینی مزاحمتی گروہوں سے ضبط کیا تھا۔
اسلحہ فراہم کرنے کی یہ کارروائی اسرائیلی سیکیورٹی اداروں کی نگرانی میں انجام دی گئی اور اسرائیلی کابینہ کی منظوری کے بغیر کی گئی، تاہم وزیر اعظم بنیامین نیتن یاہو نے اسے اپنی منظوری دی ہے۔

📌 اس اقدام کا مقصد غزہ کے اندر مزاحمت کے خلاف متوازی گروہوں کو مضبوط بنانا ہے۔