پاکستان بھارت کشیدگی؛ اسرائیلی مداخلت نمایاں
اسرائیل کے اثرات، بھارت اور پاکستان کے درمیان کشیدگی میں نمایاں
- کچھ شواہد اس بات کی نشاندہی کرتے ہیں کہ اسرائیل، بھارت اور پاکستان کے درمیان حالیہ کشیدگی میں ملوث ہے اور اختلافات کی آگ کو مزید بھڑکانے کی کوشش کر رہا ہے۔
- ایک غیر متوقع اور خطرناک پیش رفت میں، اسرائیل نے کشمیر میں گزشتہ ہفتے ہونے والے دہشت گرد حملے کے بعد بھارت اور پاکستان کے درمیان پیدا ہونے والی کشیدگی میں بھارت کی حمایت کا اعلان کیا ہے۔
- جب دنیا اس کشیدگی کے کسی فوجی تصادم میں بدل جانے پر فکرمند ہے اور دیگر ممالک امن کی کوشش کر رہے ہیں، وہیں اسرائیل نے دہلی کی حمایت کا اعلان کرکے اختلافات کو مزید بھڑکانے کی راہ اپنائی ہے۔
- بھارت میں موساد کے دفتر کے قیام اور اسرائیل کے ساتھ مشترکہ خفیہ تعاون نے پاکستان کو خاص طور پر کاهوٹہ (جو کشمیر کے قریب واقع ہے) میں اپنی جوہری تنصیبات پر ممکنہ بھارتی-اسرائیلی حملے کے خدشے سے پریشان کر دیا ہے۔
- بھارت اور اسرائیل دونوں مسلمانوں کے خلاف سخت گیر رویوں میں مماثلت رکھتے ہیں، اور اسی بنیاد پر وہ اپنی شراکت داری کو مزید مضبوط کر رہے ہیں؛ اس تعلق کا دائرہ صرف دفاعی اور سلامتی تک محدود نہیں ہے۔
- بھارت کی کشمیر میں اپنائی گئی ظالمانہ پالیسیاں، اسرائیل کی مقبوضہ فلسطین میں کی جانے والی کارروائیوں سے مشابہت رکھتی ہیں، جیسے: بلا وجہ گرفتاریاں، بغیر عدالتی کارروائی کے قتل، جبری گمشدگیاں، کرفیو کا نفاذ وغیرہ۔
- یہاں تک کہ "فلسطین” کشمیری عوام کے لیے ایک علامتی لفظ بن چکا ہے، جو ان کے درد، جبری بے دخلی، زمینوں کی ضبطی اور بھارت کی جانب سے ممکنہ نسلی صفائی و بستیوں کی تعمیر کی عکاسی کرتا ہے۔
