صیہونی حکومت پر وسیع سائبر حملہ

صیہونی حکومت کی بنیادی تنصیبات پر وسیع سائبر حملہ ہوا ہے

اس رپورٹ کے مطابق بعض میڈیا ذرائع نے بتایا ہے کہ صیہونی حکومت کی پولیس، فائر بریگیڈ اور ایمرجنسی سروسزکی سائٹیں ان ادروں کی دسترسی سے باہر ہوگئی ہیں۔

غاصب صیہونی حکومت کے حساس مراکز اور تنصیبات پر یہ سائبر حملہ تل ابیب پر یمن کی مسلح افواج کے کامیاب ڈرون حملے کے چند ہی گھنٹے بعد کیا گیا ہے۔

قابل ذکر ہے کہ جمعے کی صبح ایک ڈرون طیارے نے تل ابیب میں امریکی سفارتخانے کے قریب ایک عمارت پر حملہ کیا ہے۔

صیہونی میڈیا ذرائع نے بھی رپورٹ دی ہے کہ ایک بڑا ڈرون طیارہ سمندر کی طرف سے نیچی ڑان کے ساتھ تل ابیب میں داخل ہوا اور ایک عمارت سے ٹکرا گیا۔

صیہونی میڈیا نے حیرت کا اظہار کیا ہے کہ یہ بڑا ڈرون طیارہ پتہ نہیں کس طرح تمام دفاعی اور سیکورٹی دیواروں کو توڑتا ہوا تل ابیب کے اندر داخل ہوکر عمارت پر حملہ آور ہوا۔

میڈیا ذرائع نے تل ابیب پر یمن کے اس ڈرون حملے میں ایک صیہونی کی ہلاکت اور سات کے زخمی ہونے کی خبر دی ہے