سپریم کورٹ کا عمران کو اگلی سماعت میں بھی ویڈیو لنک کے ذریعے پیش کرنے کا حکم

سپریم کورٹ نے نیب ترامیم کالعدم کیس کی سماعت غیر معینہ مدت تک ملتوی کرتے ہوئےعمران خان کو دوبارہ ویڈیو لنک کے ذریعے پیش کرنے کا حکم دیا ہے۔

عدالت نے نیب ترامیم کیخلاف اپیل پرسماعت غیر معینہ مدت تک ملتوی کرتے ہوئے آئندہ بھی بانی پی ٹی آئی کی ویڈیو لنک کے ذریعے حاضری کے انتظامات کیے جانے سے متعلق احکامات دیے۔

جسٹس اطہر من اللہ نے ریمارکس دیے کہ پارلیمان کے ساتھ بدنیتی منسوب نہیں کی جا سکتی، آئین پارلیمان کو قانون سازی کا اختیار دیتا ہے، اگر آرڈیننس ہی لانے ہیں تو پارلیمان کو بند کر دیں۔

جسٹس اطہر من اللہ نے ریمارکس دیتے ہوئے کہا صدر اور آرڈیننس دونوں ہی پارلیمان کو جواب دہ ہیں، آرڈیننس منظوری کیلئے پارلیمان کو ہی بھیجا جاتا ہے۔