یمن کی وجہ سے اسرائیل کی معیشت تباہ ہوچکی ہے ” اسماعیل ہانیہ "

حماس کے سیاسی امور کے سربراہ اسماعیل ہانیہ نے اپنے تازہ بیان میں یمن کی مسلح افواج اور اسلامی مزاحمتی تنظیم انصار اللہ کی خدمات کا اعتراف کرتے ہوئے کہا ہے کہ یمن کی طرف سے اسرائیل کی طرف جانے والی بحری ٹریفک رکنے کی وجہ سے اسرائیل کی معیشت تباہ ہو چکی ہے

انہوں نے کہا کہ کوئی سوچ بھی نہیں سکتا تھا کہ یمن جیسا ملک اتنا طاقتور اثر ڈالے گا اور بحیرہ احمر میں ٹرانزٹ کے بہاؤ کو روک دے گا۔ یمن کی اس کارروائی نے اسرائیل کی معیشت کو تباہ کر دیا۔ یاد رہے کہ پچھلے سال اکتوبر سے غزہ پر جاری اسرائیلی جارحیت کے خلاف یمن کی مسلح افواج اور انصار اللہ نے غزہ کا ساتھ دینے کا اعلان کرتے ہوئے بحیرہ احمر و بحیرہ مندب سے گزر کر اسرائیل جانے والے بحری جہازوں کا راستہ روک رکھا ہے