چاڈ نے امریکہ کو سیکیورٹی معاہدہ ختم کرنے کی دھمکی دے دی

وسطی افریقہ کے ملک جمہوریہ چاڈ کی حکومت نے امریکی حکومت کو لکھے ایک خط میں امریکہ سے سیکیورٹی معاہدہ ختم کرنے کی دھمکی دیتے ہوئے کہا ہے کہ فرانسیسی بیس میں کام کرنے والے تمام امریکی فوجیوں کو چاڈ سے نکلنا پڑے گا

ذرائع کے مطابق پچھلے ہفتے چاڈ حکومت کا خط امریکی دفاعی اتاشی کو بھیجا گیا جس میں چاڈ حکومت نے سوفا (سٹیٹس آف فورسز ایگریمنٹ) منسوخ کرنے کی دھمکی دی ـ خط میں امریکی فوجیوں کو چاڈ کو چھوڑنے کا واضح حکم تو نہیں دیا گیا، مگر حکام نے ذرائع کو کو بتایا کہ وہ کہتے ہیں کہ فرانسیسی بیس میں این ڈیجامینا میں کام کرنے والے امریکی افسران کو چاڈ سے روانہ ہونا پڑے گا۔

ذرائع نے بتایا کہ خط میں خصوصی طور پر ایم ڈیجامینا میں امریکی خصوصی ٹاسک فورس (ایس او ٹی ایف) کا ذکر کیا گیا تھا، جو خطے میں امریکی خصوصی فورس کے لئے ایک اہم مرکز ہے۔ ایک ذریعہ کے مطابق یہ خط چاڈ کے چیف آف ائیر اسٹاف، ادریس امین،کی طرف سے انکے آفیشل پیڈ پر فرانسیسی زبان میں ٹائپ کیا گیا تھا، جو چاڈ کی ایک آفیشل زبانوں میں سے ایک ہے ـ چاڈ کی طرف سے یہ خط اس موقع پر سامنے آیا ہے جہاں ایک طرف چاڈ کے پڑوسی ملک نائجر نے امریکیوں سے معاہدے ختم کیے ہیں اور دوسری طرف "روس” کا خطے میں تجارتی و سفارتی محاذوں پر نوفذ بڑھتا جارہا ہے