بابری مسجد کے متبادل میں ایودھیا میں نئی مسجد کی تعمیر مئی سے ہوگئی

نئی دہلی: بابری مسجد کی جگہ رام مندر کی تعمیر کے بعد بھارتی سپریم کورٹ کے حکم میں ایودھیا میں ہی دوسرے مقام پر دی گئی زمین پر مسجد کی تعمیر کا آغاز مئی سے ہوگا۔
عالمی خبر رساں ادارے کے مطابق بھارتی سپریم کورٹ نے 2019 میں ایودھیا میں واقع تاریخی بابری مسجد کو منہدم کرکے رام مندر بنانے کا متنازع فیصلہ دیا تھا۔ رام مندر بن گیا اور کل وزیراعظم مودی افتتاح کریں گے۔
بھارتی سپریم کورٹ نے فیصلے میں حکومت کو بابری مسجد کے متبادل کے طور پر نئی مسجد بنانے کے لیے 5 ایکڑ پر محیط زمین دینے کا حکم بھی دیا تھا جس میں ایک اسپتال بھی قائم کیا جانا تھا۔
سپریم کورٹ کے حکم کی تعمیل میں حکومت نے ایودھیا میں ہی بابری مسجد جہاں اب رام مندر تعمیر کیا گیا ہے کے مقام سے 15 میل کے فاصلے پر نئی مسجد کی تعمیر کے لیے زمین دی گئی تھی۔