وزیر اعظم انوار الحق کاکڑ آج متحدہ عرب امارات کے دورے پر روانہ ہوں گے

اسلام آباد: وزیر اعظم انوار الحق کاکڑ متحدہ عرب امارات کے دو روزہ دورے پر آج روانہ ہوں گے۔
ترجمان دفتر خارجہ کے مطابق وزیر اعظم پاکستان انوار الحق کاکڑ آج دو روزہ دورے پر یو اے ای جائیں گے، جہاں وہ متحدہ عرب امارات کے صدر شیخ محمد بن زاید سے ملاقات کریں گے۔
ترجمان کا کہنا ہے کہ وزیر اعظم کی صدر متحدہ عرب امارات سے ملاقات سیاسی، اقتصادی، تجارتی، سرمایہ کاری بڑھانے میں مددگار ہوگی، اور دونوں ممالک کے مابین ثقافتی اور دفاعی سمیت تمام شعبوں میں دو طرفہ تعلقات کو آگے بڑھانے کا موقع فراہم ہوگا۔