کرک میں پولیس موبائل پر فائرنگ، 5 اہلکار شہید، جوابی کارروائی میں 8 دہشتگرد ہلاک

ڈسٹرکٹ پولیس کرک اور سی ٹی ڈی کوہاٹ ریجن کے افسران و جوانوں نے موقع پر پہنچ کر دہشت گردوں کا تعاقب کیا، شدید فائرنگ کے تبادلے میں 8 دہشت گرد جہنم واصل ہوئے۔

ہلاک دہشت گردوں میں ایک کی شناخت عارف عرف ڈان کے نام سے ہوئی جو علاقے میں دہشت گردانہ سرگرمیوں میں ملوث و مطلوب تھا۔

شہدا میں ہیڈ کانسٹیبل شاہد زمان، کانسٹیبل عارف، سمیع اللّٰہ، صفدر اور محمد ابرار شامل ہیں۔

پولیس کی جانب سے دہشت گردوں کے سہولت کاروں کے خلاف بھی گھیرا تنگ کر دیا گیا ہے اور علاقے میں مزید سرچ آپریشن جاری ہے۔ پولیس فورس عوام کی جان و مال کے تحفظ کے لیے ہر قسم کی قربانی دینے کے لیے پرعزم ہے۔