کراچی، 75 لاکھ سے زائد مالیت کی غیر ملکی شراب کی بڑی کھیپ پکڑی گئی
شہر قائد میں جیکسن پولیس نے اسنیپ چیکنگ کے دوران 75 لاکھ سے زائد مالیت کی غیر ملکی شراب کی بڑی کھیپ پکڑی لی۔ تفصیلات کے مطابق جیکسن پولیس نے اسنیپ چیکنگ کے دوران کارروائی کرتے ہوئے غیر ملکی شراب کی اسمگلنگ کی کوشش ناکام بناتے ہوئے 300 سے زائد غیرملکی شراب کی بوتلیں برآمد کرلیں۔ ایس ایس پی کیماڑی امجد شیخ کے مطابق پکڑی جانے والی غیر ملکی شراب کی ایک بوتل کی قیمت تقریباً 25 ہزار روپے سے زائد ہے اور پکڑی جانے والی شراب کی بوتلیوں کی مجموعی مالیت 75 لاکھ روپے سے زائد ہے۔ انہوں نے بتایا کہ پکڑی جانے والی غیر ملکی نان کسٹم شراب سال نو پر فروخت کی جانی تھی، پولیس چیکنگ کے دوران ملزمان فرار ہوگئے، جن کی گرفتاری کی کوشش کی جا رہی ہے۔
