یوکرین اگلے 6 ماہ میں ٹوٹ سکتا ہے

اگر یورپ نے کی‌یف کی مدد نہ کی — "فائنینشل ٹائمز” کی پیش گوئی: یوکرین اگلے 6 ماہ میں ٹوٹ سکتا ہے

🔹 برطانوی اخبار فائنینشل ٹائمز نے رپورٹ کیا ہے کہ اگر یوکرین کو نئی اور مؤثر فوجی امداد نہ ملی، تو غالب امکان ہے کہ یہ ملک آئندہ 6 ماہ کے اندر تباہی یا شکست کے دہانے پر پہنچ جائے۔

🔹 صرف ایک روز قبل، امریکی جریدے پولیٹیکو نے تین امریکی حکام کے حوالے سے (جن کے نام ظاہر نہیں کیے گئے) رپورٹ کیا کہ:
امریکی وزارت دفاع (پینٹاگون) نے اپنی اہم اسلحہ اور میزائل ذخائر میں خطرناک حد تک کمی کے خدشے کے باعث،
فضائی دفاعی میزائلوں اور دیگر حساس فوجی سازوسامان کی یوکرین کو ترسیل روک دی ہے۔

پولیٹیکو کے مطابق، یہ فیصلہ ابتدائی طور پر جون (تیر) کے اوائل میں، بائیڈن حکومت کے وعدے کے باوجود، لیا گیا تھا۔

🔹 اسی وقت جب امریکہ کی جانب سے فوجی امداد میں واضح کمی واقع ہوئی ہے،
فائنینشل ٹائمز نے اپنی رپورٹ میں یوکرین کے محاذ جنگ پر بگڑتی صورتحال کی طرف اشارہ کرتے ہوئے لکھا:

"نیٹو کے بعض رہنما اس خدشے کا اظہار کر رہے ہیں کہ آئندہ خزاں تک محاذِ جنگ پر صورتحال شدید طور پر بگڑ سکتی ہے،
اور یہ خطرہ نیٹو کے حالیہ بیانیے میں دیے گئے کسی بھی وعدے سے کہیں زیادہ سنجیدہ ہے۔”