امریکہ میں ٹرمپ مخالف مظاہرے

امریکہ میں ۷۰۰ مقامات پر ٹرمپ کے خلاف وسیع پیمانے پر مظاہرے

امریکہ کی تمام ۵۰ ریاستوں میں ہزاروں افراد نے مقامی وقت کے مطابق ہفتے کے روز سڑکوں پر نکل کر "۵۰۵۰۱” تحریک کے تحت ٹرمپ کی پالیسیوں کے خلاف نعرے لگائے۔

مظاہرین نے بعض شہروں میں فلسطین کے جھنڈے اور غزہ کے بچوں کی تصاویر اٹھا رکھی تھیں اور امریکہ کی اسرائیل کی حمایت کے خاتمے کا مطالبہ کر رہے تھے۔

"۵۰۵۰۱” تحریک، جس کا مطلب ہے "۵۰ ریاستوں میں ۵۰ مظاہرے، ایک تحریک کے ساتھ”، سب سے پہلے گزشتہ فروری میں سوشل نیٹ ورک "ریڈٹ” سے ابھری اور مختصر وقت میں ایک قومی تحریک میں تبدیل ہو گئی، جو "آمریت اور سرکاری بدعنوانی” کے خلاف جدوجہد کر رہی ہے۔