پاک بنگلادیش ٹیسٹ سیریز؛ میچ آفیشلز کے ناموں کا اعلان ہوگیا

بنگلادیش کیخلاف 2 ٹیسٹ میچز کی سیریز کیلئے میچ آفیشلز کے ناموں کا اعلان کردیا گیا۔

سری لنکا سے تعلق رکھنے والے میچ ریفریز کے آئی سی سی ایلیٹ پینل کے ممبر رنجن مدوگالے پاکستان اور بنگلادیش کے دونوں ٹیسٹ میچوں میں آئی سی سی میچ ریفری ہوں گے۔

دونوں ٹیموں کے درمیان پہلا ٹیسٹ میچ 21 سے 25 اگست تک راولپنڈی کرکٹ ا سٹیڈیم جبکہ دوسرا ٹیسٹ میچ 30 اگست سے 3 ستمبر تک نیشنل اسٹیڈیم کراچی میں کھیلا جائے گا۔

ٹیسٹ سیریز کیلئے 3 امپائرز آئی سی سی ایلیٹ پینل آف امپائرز سے ہوں گے اور 2 امپائرز آئی سی سی انٹرنیشنل پینل آف امپائرز سے ہوں گے۔