ممالک کو آبنائے ہرمز کے تحفظ کیلئے امریکی دفاعی اقدامات کا معاوضہ ادا کرنا ہوگا: ٹرمپ

 واشنگٹن: امریکی صدر ڈونلڈ ٹرمپ نے اپنے ایک حالیہ بیان میں مشرق وسطیٰ کی صورتحال اور آبنائے ہرمز کے تحفظ پر سخت مؤقف اپناتے ہوئے کہا ہے کہ دنیا کے دیگر ممالک کو امریکا کی جانب سے کیے جانے والے دفاعی اقدامات کا معاوضہ ادا کرنا ہوگا۔

اپنے سوشل میڈیا پلیٹ فارم ٹروتھ سوشل پر جاری بیان میں ٹرمپ نے کہا کہ ’آبنائے ہرمز سے تیل کی ترسیل جاری ہے۔ دنیا کے وہ ممالک، جنہوں نے ہماری ذرہ برابر بھی مدد نہیں کی، انہیں چاہیے کہ جب یہ جنگ ختم ہو جائے تو وہ امریکا کو اس کے تمام اخراجات ادا کریں۔

ٹرمپ نے عالمی سطح پر امریکی کردار کا دفاع کرتے ہوئے مزید لکھا کہ ’ہم یہ سب اپنے لیے کم اور دوسروں کی خاطر زیادہ کر رہے ہیں، اور ہم کئی نسلوں سے ایسا ہی کرتے آ رہے ہیں‘۔