آبنائے ہرمز میں ایران کے تجارتی بحری جہاز پر حملہ، ایک شہید چار زخمی

 آبنائے ہرمز میں جزیرہ ہنگام کے پاس ایران کے ایک تجارتی بحری جہاز پر کوئی نامعلوم چیز آکر گری جس سے عملے کا ایک فرد شہید اور چار زخمی ہوگئے۔

 قشم کے کمشنرحسین امیر تیموری نے اتوار کو ارنا کے نامہ نگار کو بتایا ہے کہ ایران کا تجارتی بحری جہاز، حملے کے وقت جزیرہ ہنگام کے پاس آبنائے ہرمز کی حدود میں تھا۔

انھوں نے بتایا کہ اس کنٹینربردار تجارتی جہاز میں حملے کے وقت عملے کے 10 افراد موجود تھے جن میں سے ایک شہید اور چار زخمی ہوگئے۔

 قشم کے کمشنرحسین امیر تیموری نے بتایا کہ یہ حملہ آج اتوار کی صبح ہوا اوراس سلسلے میں تحقیقات شروع کردی گئی ہیں۔

انھوں نے کہا کہ تجارتی جہاز پر لگنے والے پرجیکٹائل کی نوعیت  ابھی معلوم نہیں ہوسکی ہے۔

قشم کے کمشنر نے کہا کہ اس  حملے کے بارے میں مکمل تفصیلات کا بعد میں اعلان کیا جائے گا۔